Identiteti dhe qëllimi janë thelbësorë për përmbushjen e profesionistëve të rinj. Bashkohuni me profesionistë të tjerë të rinj në workshop-in me katër pjesë, në të cilin do të zbulojmë  identitetin dhe qëllimin, që drejtojnë zgjedhjet dhe sjelljen tonë. Darci Harris, një ekzekutive e lartë dhe mentore e shumë udhëheqësve të suksesshëm, do të jetë instruktorja e këtij workshop-i. Ajo do të na udhëheqë nëpër këtë proces zbulimi. Ju do të bëheni pjesë e një grupi diskutimi dhe do të diskutoni pyetje, të cilat do t’ju shtyjnë të mësoni më shumë mbi veten, do t’ju sfidojnë të vendosni qëllime përtej vetes dhe do t’ju nxisin të identifikoni se kush mund t’ju ndihmojë në këtë shtegtim.

Darci Harris 

Manufacturing and Supply Chain Executive

    Darci Harris ka mbajtur postin e  Zv. Presidentes për Prodhimin dhe Shpërndarjen, në kompaninë e ëmbëlsirave “Mars Wrigley”. Ajo ka mbajtur pozicione të tjera ekzekutive përgjatë karrierës së saj 30-vjeçare: Drejtoreshë e Prodhimit dhe Shpërndarjes për “Mars UK”, Kujdesi për Kafshët, në udhëheqjen, logjistikën dhe Shërbimin ndaj Klientit për disa fabrika; Drejtoreshë e Prodhimit për çokollatën “Mars” në Amerikën e Veriut; Përgjegjëse për njëmbëdhjetë fabrika të produkteve si: M&M, Snickers dhe Twix; si dhe Drejtoreshë e Përgjithshme për shumë fabrika gjithandej SHBA-ve.

    Ajo ka përvojë në programet e ndryshimit organizativ në shkallë të gjerë, hapjen dhe mbylljen e fabrikave, maksimalizimin e rrjeteve, nxjerrjen e produkteve të reja dhe fillimin e linjave të reja të prodhimit. Përvoja e saj në administrimin e talenteve të reja përfshin modelet e organizimit, zhvillimit dhe përfshirjes së skuadrës, si dhe vlerësimit dhe zhvillimit të talentit. Ajo ka pasion të zhvillojë talentin përmes detyrave sfiduese, mentorimit dhe trajnimit. E sapodalë në pension, ajo vazhdon të jetë e përkushtuar në mentorimin e grave profesioniste, duke i ndihmuar të lundrojnë përmes mundësive korporative dhe ato personale. Darci ka studiuar Inxhinieri Mekanike në Universitetin e Wisconsin – Madison. Tashmë ajo jeton në Austin, Texas. Ajo dhe  Klifi, burri i saj prej 33 vitesh, kanë një djalë, Xhekun, që jeton në Dallas, Teksas. Asaj i pëlqen të vrapojë, të ngjitet nëpër male, të ngasë biçikletën, të zhytet me maskë, të udhëtojë dhe të studiojë historinë botërore.

Regjistrohuni përmes formës së mëposhtme. Ne do t'ju dërgojmë linkun për t'u lidhur me platformën Zoom, disa ora përpara se të fillojë seminari.

Mirë u takofshim në Zoom!

Me respekt,

IJR Profesionist